“સંવેદનાની સરવાણી” (સરળ,સહજ,વિનમ્ર,કર્મઠ વ્યકિત્વના ધની અને ઋજુ હૃદયનાં રાણપુરના મામલતદારશ્રી અલ્કેશભાઈ ભટ્ટ સાહેબની માનવ સંવેદનાને કોટી વંદન)

“સંવેદનાની સરવાણી”
(સરળ,સહજ,વિનમ્ર,કર્મઠ વ્યકિત્વના ધની અને ઋજુ હૃદયનાં રાણપુરના મામલતદારશ્રી અલ્કેશભાઈ ભટ્ટ સાહેબની માનવ સંવેદનાને કોટી વંદન)
કંઈ પણ બીજુ લખતા પહેલા મને સુંદરમના શબદ યાદ આવે કે “હું માનવી માનવ થાવ તો પણ ઘણું” આજે જ્યારે કોરોના રૂપી મહામારીના કપરા કાળમાં ચો-તરફ માનવજાત મોત સામે ઝઝૂમી રહી છે ત્યારે અનેક દુઃખદ પ્રસંગો હૃદયને હચમચાવે છે તો સાથે અમુક સુખદ પ્રસંગો હૃદયને શાતા આપી જાય અને એ સાંત્વના સાથે એવું લાગ્યાં કરે કે હજી માનવતા મરી પરવારી નથી….
આજ સૌ કોઈ પોત પોતાના ક્ષેત્રે નિષ્ઠાપૂર્ણ રીતે પોતાની ફરજ અદા કરી રહ્યાં છે સેવા,સમર્પણ,ત્યાગ,સંવેદના,
સમભાવ,અને સદકાર્યોની સુગંધ ભારતિય સંસ્કૃતિનું આગવું દર્શન કરાવી રહ્યાં છે ત્યારે ગઈકાલે જ બનેલા એક અદભૂત પ્રસંગનું આપને દર્શન કરાવવું છે…
આમ તો થોડા સમય પહેલાની એક પ્રેરક યાદી આપને યાદ જ હશે કે હૃદયરોગનો હુમલો આવ્યાં છતાં, દવાખાનેથી ઘેર પરત ફર્યા બાદ ડોક્ટરે આરામ કરવાનું કહ્યું હોવા છતાં ફરજપાલનને જીવથી વધુ વહાલું ગણી રાણપુરના મામલતદારશ્રી ભટ્ટ સાહેબ ફરજ પર હાજર થયા હતા. કપરા સમયમાં એક અધિકારી તરુકેની કર્તવ્ય પરાયણતાં કેવી હોય એનો પ્રેરક પુરાવો અલ્કેશભાઈએ આપ્યો હતો.. આ ગૌરવપૂર્ણ વાતને વધુ ચરિતાર્થ કરતો એક બીજો પ્રસંગ કાલે બન્યો...
ગઈ કાલે સવારે 11:30 કલાકે રાણપુર મામલતદારશ્રી ભટ્ટ સાહેબ રાણપુર ચેક પોસ્ટ પર કામગીરીનું ચેકીંગ કરી રહ્યાં હતાં ત્યારે તેમની નજર ચેક પોસ્ટથી થોડે દૂર ઉભેલી બે સ્ત્રીઓ પર પડી. તેમાની નાની સ્ત્રીના હાથમાં સાવ નાનું બાળક હતું…
ભટ્ટ સાહેબે ત્યાં જઈને પૂછપરછ કરતા ખ્યાલ આવ્યો કે ચેકીંગની કામગીરીથી ડરી એક છકડાવાળો આ બન્યેને અહીં વચમાં જ ચેકપોસ્ટ પાસે ઉતારી જતો રહ્યોં હતો…બન્યે બહેનો રાજપરાથી અડવાળ જવા નીકળ્યા હતાં… વાતચીત કરતાં ખ્યાલ આવ્યો કે આ બન્યે સંબંધમાં માં -દીકરી હતાં અને રાણપુરના રાજપરા ગામનાં દેવીપૂજક પરિવારના હતાં… દીકરીની માતા દ્વારા જાણવા મળ્યું કે એમની દીકરી હિરુબેને હજીતો 6 દિવસ પહેલા બાળકને જન્મ આપ્યો હતો…આવી સ્થિતિમાં પરિવારમાં ભોજાય સાથે નાની રકઝક થતાં આવી સ્થિતિમાં દીકરીએ અડવાળ પોતાના સાસરે મૂકી જાવા માતાને કહેતા બન્યે નીકળ્યાં હતાં… તડકામાં 6 દિવસનું સાવ કુમળું બાળક તડકામાં શેકાતું જોઈ ભટ્ટ સાહેબ દ્વારા જે પગલાં લેવાયાં એ જાણી મનોમન વંદન થઈ ગયું….
અલ્કેશભાઈ દ્વારા માનવતાની સરવાણી વહેતી કરતાં આ બન્યે માં -દીકરીને અડવાળ પહોંચાડવાની તજવીજ હાથ ધરી તાત્કાલિક એમનો પાસ બનાવરાવી તુરંત એમની સાથે રહેલા ડ્રાઈવર મિત્ર સંજયભાઈ (પ્રિયા સાઉન્ડ બોટાદ) અને હેલ્થ વર્કર વિધિબેનને ભટ્ટ સાહેબે પોતાની ગાડીમાં અડવાળ પહોંચાડવા સજ્જ કર્યા અને ખૂબ લાગણી પૂર્વક તેમને રવાના કરી માનવતાની જ્યોત ફેલાવી હતી...દીકરી હીરાબેન અને એમની માતા કાંતાબેનની આંખમાં આંસુ હતાં અને હૈયામાં અનંત આશીર્વાદ ....સાથે આ ઉત્તમ કામ કરી ભટ્ટ સાહેબની આંખોના ખુણા પણ ભીંજાયા હતાં... હાજર સૌ કોઈના હૃદય આ માનવતાની સરવાણી જોઈ ભીંજાયા હતાં... ઘન્ય છે આ ઋજુતાને, ફરજ પાલન સાથે ઉભરેલી,સાર્થક માનવ સદભાવની સરવાણીને મારા હૃદયના ભાવ વંદન ભટ્ટ સાહેબ...
ખરેખર “દુર્લભ એ દરવેશ કે જેના કાળ સાચવે પગલાં” કોરોના તો દોસ્ત કાલે જતો રહશે પણ કાયમ રહશે આવી સેવાની દિવ્ય જ્યોત અને સંવેદના સરવાણી….
ફરજ તો સૌ કોઈ નિભાવે પણ જયારે બીજાનું દુઃખ અને મુશ્કેલી વ્યક્તિને પોતિકી લાગે ત્યારે જે પ્રગટે એજ સાચી સંવેદના…
આ પ્રસંગને આલેખતા ખરેખર મને પણ ખૂબ ગૌરવથયું…ફરી-ફરી ભટ્ટ સાહેબની સાદગી,સરળતા,માનવતા,ફરજપાલન, સેવાની,સંવેદનાના અનેરા અજવાસને કોટી વંદન..
અંતમા આ અદકેરા અઘિકારી માટે મને નિદા ફાઝલીનો એક શેર યાદ આવે…
સફર મેં ધૂપ તો હોગી, જો ચલ શકો તો ચલો,
સભી હૈ ભીડ મેં, તુમ ભી નીકલ શકો તો ચલો,
કિસી કે વાસ્તે રાહે કહાં બદલતી હૈ?
તુમ અપને આપ કો ખુદ હી બદલ શકો તો ચલો…
★★ભાવ સ્પંદન આલેખન★★
પ્રવીણભાઈ એલ.ખાચર”પાર્થ”
શિક્ષકશ્રી ચાચરિયા પ્રા.શાળા

NILESHBHAI SAKARIYA

Leave a Reply

Your email address will not be published. Required fields are marked *

Next Post

પ્રાથમિક શાળાના શિક્ષકોને સોપવામાં આવતી કોરોના ને લગતી કામગીરીમાં માસ્ક, સનરાઈઝ તેમજ ગ્લોઝ આને કોઈ શિક્ષક અવસાન પામે તો તેને સહાય ઉપરાંત નાણાંકીય લાભો આપવા કરેલ માગણી

Sat May 16 , 2020

Breaking News

July 2020
M T W T F S S
« Jun    
 12345
6789101112
13141516171819
20212223242526
2728293031